خدمة مكالمات الفيديو كونفرانس من اتصالات مصر

خدمة مكالمات الفيديو كونفرانس من اتصالات مصر

audai audai
2018-08-06T17:52:25+02:00
2018-11-01T11:24:02+02:00
المحمول
audai audai6 أغسطس 2018آخر تحديث : منذ 3 سنوات

ينشر one تفاصيل خدمة مكالمات الفيديو كونفرانس والتى تقدمها شركة اتصالات مصر.
ووفقا لموقع الشركة الإلكترونى :
كل موبايلات الـ 3G بتدعم المكالمات الفيديو بشكل تلقائي.
يمكن للعميل الرجوع الى دليل المستخدم الخاص بالجهاز او الموزع المعتمد.
هل خدمة الفيديو كول هتشتغل أثناء فترات السماح (Grace)؟
زي أي خدمات طبيعية كالمكالمات الصوتية, لازم يكون مع حضرتك رصيد كافي لأستخدام خدمة الفيديو كول و بنتحاسب بالدقيقة.
يعني بدون رصيد كافي زي أثناء فترة السماح خدمة الفيديو كول بتوقف.
ايه اللي يحصل لو مكالمة الفيديو كول فصلت أثناء المكالمة؟
زي المكالمات الصوتية, لما مكالمة الفيديو كول بتقع المكالمة بتتفصل نهائيا مش بتتحول لمكالمة صوتية.
هل أقدر أحول المكالمة من مكالمة فيديو لمكالمة صوتية أو العكس؟
لأ, منقدرش نحول مكالمة الفيديو لمكالمة صوتية ولا العكس من مكالمة صوتية لمكالمة فيديو. لازم ننهي مكالمة الفيديو و نبتدي مكالمة صوتية جديدة و العكس صحيح.
ايه الموبايلات اللي بتدعم خدمة الفيديو كول؟
كل موبايلات ال3Gبتدعم المكالمات الفيديو بشكل تلقائي. يمكن للعميل الرجوع الى دليل المستخدم الخاص بالجهاز او الموزع المعتمد.
الحساب هيبقى ازاي لو مستقبل مكالمة الفيديو استقبلها كمكالمة صوتية فقط (مظهرتش الصورة)؟
هنتحاسب بالأسعار العادية للفيديو كول مش المكالمات الصوتية.
تكلفة الفيديو كول أثناء التجوال:
بتكون متاحة على ال (Roaming Advisor) صفحة أسعار التجوال على موقع اتصالات على الانترنت: مع الوضع في الأعتبار ان الأسعار المعلنة هي أسعار التجوال لأستقبال و أرسال المكالمات الفيديو داخل البلد اللي عاملين فيها تجوال و أجراء مكالمات فيديو لمصر زي ما هو واضح في الصورة تحت…
على الجانب الأخر طبقا للجزء البارزفي الأعلى, لباقي أسعار التجوال مثال: المكالمات أثناء التجوال للمناطق الأتية:
•(منطقة أ) الدول العربية و أمريكا.
•(منطقة ب) أوروبا و كندا.
•(منطقة ج) أسيا و باقي دول العالم.
كام الأسعار؟
7 جنيه للدقيقة شاملة ضريبة المبيعات لموبايلي “السعودية” و اتصالات “الامارات”.
8 جنيه للدقيقة غير شاملة ضريبة المبيعات لأي جهة أخرى.أستراليا- فرنسا- ألمانيا- إيطاليا- كوريا- لوكسمبورج- بولندا- السعودية- الامارات- إنجلترا- بلجيكا- هولندا- هونغ كونغ
هل أقدر أستخدم خدمة الفيديو كول أثناء التجوال؟
خدمة الفيديو كول أثناء التجوال هتكون متاحة طبقا للاتفاقيات بين اتصالات و الشركات الأخرى
ازاي أشغل الخدمة؟
خدمة الفيديو كول شغالة بشكل تلقائي على خط حضرتك كجزء من خدمات ال3G علشان كده مفيش أي خطوات مطلوبة لتفعيل الخدمة
ايه هي شروط إستخدام الفيديو كول؟
خدمة الفيديو كول متاحة لكل عملاء اتصالات الكارت و الفاتورة في حالة توافر الشروط الأتية:
المرسل و المستقبل تحت تغطية شبكة3G اتصالات و يفضلوا تحت تغطيتها حتى نهاية المكالمة.
المرسل و المستقبل معاهم تليفونات تدعم خدمة3G بكاميرا مناسبة.
المرسل بيجري مكالمة فيديو كول و المستقبل يرد على المكالمة.
ايه هي خدمة الفيديو كول؟
هي خدمة بتتيح الاتصال بين اتنين على الأقل بالصوت و الصورة في نفس الوقت عن طريق الموبايل. الخدمة بتعتبر خدمة أساسية من خلال شبكة ال3G.

رابط مختصر

عذراً التعليقات مغلقة